22. studenoga 2017. - Proslava svete Cecilije
Kako vidite do osamdesetoga leta sam arivala
do sad još donekle nomalna i zdrava.
Bez obzira na leta, ja se još ne mislim predat
i dokle god buden mogla i dalje ću se vpora
al moje rođendane slavit više neću
aš se neću imat ščin pofalit,
aš leta mesto nazad naprvo će hodit.
O sebe bilo ča napisat bilo bi smešno učinit,
oni ki me poznaju sami će prosudit.
I za nikakovi jubileji više neću pisat,
aš bin Van mogla samo dosadna postat.
Za svoju dušu kad i kad ča god ću i napisat
al to će va kućnen arhivu ustat.
Smisal moga života ko i dosad moja dečica će u
samo neka oni budu srićni
Va njihovoj srići i ja ću uživat.
Moje misli dalje samo svamin će bit,
i ko i dosad saku večer za sebe ću se molit.
I na kraju samo jedno ću vas zamolit
na dragoga Boga nemojte nikada pozabit.
Kad i kad bar na kratko va crkvicu se zaputite
i jedan očenaš za zdravlje zmolite!
Voli Vas Vaša i za vavek samo Vaša
mama i nona Jelka.
Rika, 11. listopada 2017.